تحديات الجذور

 تحديات الجذور

1.
انت اخر غصن بالروح
صعبه تطيح..
وانت امطَعّم النعناع بضلوعك..
2.
ظَل واگف ورد جوري
وبلابل داريك حراس
  بخيالك الماينجاس..
ما يلمس بس ينباس
بشفافة..
ولك حتى خيالك ..
تشتهيه الناس..
3.
من تمطر الدنيه اغيوم
اضل مصدوم..
وين الگه عثگ جمار
اشرن فوگ راسه انجوم ذبلانات..
اعطرهن بعطره الدافي ..
وامسح من حدر زلفه..
حزن وهموم..
4.
نهر يمشي ويانه
وصحبته صحبه..
يطفرنه ونطفره ولو للركبه
بسد غفله نساه الماي
بس للان احنه باسمه
متعلقين  ونحبه
5.
هو بلايه مهره
والبخت بيه مال
احنه نصيحله الخيال..
فارس عثر مره ..
ومن نهض تمثال..
6.
الصدى يوصلني اقوى
واشد من الصوت..
مثل تابوت..
ابدا مايهاب الموت..
انه الميت زمن سولفت وي تابوت..
وطلب مني قصيدة ..
وكتبتله ابيات
يل گلبك خشب..
واحساس ما بيه صوت
د . حامد الشطري