الى الشهيدة رغد بانتظار مناقشة رسالتك الماجستير ؟اوراق الرساله تسولف العندي
والعنوان ظل للموت متصدي
گومي يارغد ياشطبة الابداع..
خل تكمل بحوثك گبل ما يحدي
سلمتى الرسالة ومشرفك زعلان..
مايدري الزعل ع الموت مايجدي
ناقشتي الرساله وظنتي تاجلين..
وحلو روب اليناقش يضوي ع المتنين
يبنيتي القدر ما يعرف التاريخ
اجت ساعة قضاءك والقدر بالحين
والقاعة خلت مابيها معزومين
كلها انجمعت تدور رغد چاوين
رغد چاوين.. سؤال البحث هذا الما اله امفسرين؟
اهنا تحت الرماد البحث والعنوان..
انخلطتي وي الرماد وي الجمر والطين..
هذا الطين مصنوعين منه ونرجع اعله الطين
دورنه الجمر لا..ملگينه العين
ولا ضحكاتك السمرة ..انداحت بالرماد وي الجمر لونين
شهيدة وطن انت وما الك جثمان ..
بس تشييع جمرة انلفها بالتابوت ورماد الجسد
والعَلم يوفي الدين...
د .. حامد الشطري